姊妹橫插一腳　唐菲同鐵面陳拍拖心跳加速

女子組合B.Gs成員唐菲（Toffee）早前為隊友霍柔心（心心）的新曲《落單的公主》拍MV，與《愛．回家之開心速遞》的「鐵面陳」王致狄（Andy）飾演情侶。Toffee表示：「個故事係講心心暗戀Andy，佢見到我哋兩個拍拖，所以好難受，我見到心心個難受樣，我都好心痛，好似自己做錯事咁，我要申請下次一齊做啲開心嘅角色。（你同Andy扮情侶有冇擦出火花﹖）我一直有睇《愛．回家》，有留意鐵面陳，覺得佢演得好好，我視佢係我嘅學習對象，今次拍MV都係全靠Andy帶我入戲，同佢對望嘅時候都有心跳加速同面紅耳熱嘅感覺。（有冇機會發展﹖）哈，順其自然啦！」