【日租逾萬】G.E.M.狂晒LA三層豪宅嗌爽

歌手鄧紫棋（G.E.M.）最近迷上拍Vlog，久不久就會上載新片去社交網，最近成日都要洛杉磯香港兩邊走嘅佢，喺新一條Vlog入面就同大家嚟個LA House Tour，同大家介紹佢租足一個禮拜嘅豪宅！

呢個LA豪宅視野一望無際，當中就有戶外恒溫游泳池、超大庭院、三層樓高嘅落地玻璃窗、二樓私人電影院，戲院入面仲附送爆谷機，連個客房都大過人，真係隔住Mon都Feel到嗰隻「豪」味，而G.E.M.自己都非常Enjoy喺屋內活動，佢就自爆嚟到LA即刻「詩興大發」，已經作咗4隻新歌，一路踩到去夜晚，佢仲嗌咗幾個Friend上嚟煮嘢食，當正係自己屋企一樣，男友Mark都有為佢親自下廚，真係夠晒Sweet。

而今次G.E.M.租嘅呢棟別墅總共3層樓，內部一共有4間房，最多可以8人入住，一日嘅價格約港幣1萬1千蚊，今次佢租一個禮拜，大約就使咗約港幣7萬8千蚊。