震驚13億網民!男神竇驍認撻着何超蓮

2019年04月28日 11:53
東網電視
更多新聞短片
當……真?!??

大陸型男竇驍斯文靚仔,加拿大長大成個霸道總裁款,先後拍過張藝謀執導嘅《山楂樹之戀》,又同過男神彭于晏合作《破風》,係唔少少女嘅夢中情人,佢嘅感情世界就梗係多人關心!今日就有大陸傳媒拍得竇驍同一位美女喺電梯擁吻嘅畫面,戀情曝光,而女主角嘅身份竟然係……

據大陸報道稱,當晚竇驍帶住一名着粉紅色衫嘅美女與朋友飯局,兩人有說有笑,期間竇驍不時捉住「粉紅女」手仔,不時又將手放對方大髀,親密程度猶如拍拖情侶。飯局結束後兩人同回酒店,入到電梯竇驍更同該女子擁吻,戀情曝光!從相中所見,有眼利網民發現「粉紅女」竟然同賭王何鴻燊三房千金何超蓮非常似樣,更有網友即刻搵到以前超蓮都戴過「粉紅女」嘅同款Cap帽!隔咗一個朝早,二人就前後腳喺微博宣布戀情,齊齊打上:「哈哈哈~ hi Babe 狗糧狗糧(⁎⁍̴̛ᴗ⁍̴̛⁎) ​​​​」真係閃到爆!

其實竇驍同超蓮早前就已經喺公開活動上見過面,當時就算有其他人望實,超蓮都依然親暱地攬攬竇驍,不過竇驍就相當牽避忌,僅用「禮貌手」輕拍超蓮背脊。另外,網上同時爆出竇驍嘅微信頭像轉咗用情侶比心相,Sweet到呢~