孖何超蓮默契放閃 竇驍同過猷君女友傳緋聞

2019年04月28日 14:28
東網電視
更多新聞短片
好閃呀!

大陸型男竇驍被拍得與一名「粉紅女」又攬又錫,網上即瘋傳女方為賭王何鴻燊三房千金何超蓮。之後竇驍同超蓮前後腳宣布戀情,竇驍先喺微博留言:「哈哈哈~ hi Babe 狗糧狗糧(⁎⁍̴̛ᴗ⁍̴̛⁎) ​​​​」而東網聯絡上超蓮,佢心情大靚話:「我也發啦!哈哈哈!你去看我微博!」發埋同竇驍一樣嘅Post,呢堆狗糧閃死一班單身狗!而竇驍甫文後,何超蓮好姊妹G.E.M.隨即喺佢微博留言:「對她好點。」何超蓮都回覆G.E.M.:「我怎麼有點想哭。」而好友JW就話:「之前佢都有同我提過呢個男仔。」更透露同竇驍首次見面係喺4月18日英國唱作天王Ed Sheeran喺香港開嘅露天騷上,大讚兩人合襯:「好斯文,好gentleman,好錫超蓮,最緊要佢哋開心。」]

何超蓮同吳克羣甩拖之後,雖然有好多緋聞埋身,好似劉根森、霍啟山、方力申同楊政龍 等,但都係只聞樓梯響,超蓮次次都話工作為先,今次同竇驍咁樣高調認愛,竇驍肯定有啲過人之處嘅!

竇驍和奚夢瑤於2016年曾傳緋聞,源頭係當年5月17日,兩人同日於微博上載一張照片,係竇驍同奚夢瑤疑似係奚夢瑤媽媽一齊食飯嘅相,即被網友指兩人拍拖。當時好多網友紛紛留言問係咪見家長?仲送上祝福,而竇驍還以怕醜圖案作回覆。但奚夢瑤上載同一張相,以'big brother' and 'mom'形容,寫上:「Chillin' with 'big brother' and 'mom' #reunion」而如今奚夢瑤已經成為何超蓮細佬何猷君嘅女友!