攻陷何家千金芳心 竇驍原來好猛料

20190428
東網電視
更多新聞短片
到底竇驍有咩過人之處?
成功贏得何超蓮芳心嘅竇驍現年30歲,出生於加拿大,唔單只高大靚仔,而且才華多多,絕對係筍盤!佢未入娛樂圈時做過髮型師,亦曾去過英國深造,讀髮型設計同化妝。竇驍18歲嗰陣仲參加過加拿大當地舉辦嘅選美活動,更勇奪冠軍,而2008年佢憑實力考入北京電影學院表演系,主修攝影,並展開佢嘅演藝之路。
竇驍喺2010年首次參演電影,就係拍名導演張藝謀執導嘅《山楂樹之戀》,更因而一炮而紅,隨後演出機會不絕。2015年,仲係佢產量最多嘅一年,包括電影《狼圖騰》、《我是女王》、《新步步驚心》同《破風》,而佢喺《破風》演嘅「邱田」同樣令人留下深刻印象。同年佢開始參演電視劇,實行影視兩邊發展,當中再令佢人氣爆升莫過於係喺《楚喬傳》演嘅「燕洵」,劇中佢演技大爆發,角色由正變邪,拿捏得非常好,除咗為佢吸納大批粉絲,更有傳佢嘅劇酬高達4,000萬人民幣,成為炙手可熱嘅男星!
----------------------------
東網巨星開咗ig喇,大家快啲follow啦!