李蘊掛住湊B 唔知超蓮有拖拍

2019年04月28日 22:54
東網電視
更多新聞短片
李蘊話要審吓超蓮呀!

何超蓮、竇驍高調認愛,超蓮的閨蜜李蘊接受東網訪問,她說:「今次我真係唔知,佢今日同我講我先知,呢排大家都好忙,佢忙拍拖同慈善,我又湊小朋友,佢都冇特別講,冇傾開拍拖啲嘢,今日佢突然講我都覺得奇怪,原來畀人影咗,梗係祝福佢,希望個男仔對佢好啲,咁我自己唔識個男仔,聽過佢個名,但唔認識,從今日起會去認識,搵多啲佢資料同劇嚟睇。」

她指對方下星期生日,大家會約食飯,到時再問清楚:「問佢點解唔一早同我講,都唔知佢哋開始咗幾耐,我都好忙日日陪住小朋友,冇乜時間同朋友聯誼吓,要抽啲時間出嚟傾吓心事先得。」因為她長期在廣州,G.E.M.可能早知,或者見過竇驍,因為她們有約過食飯,她說:「我幾個月同何小姐食飯時候,佢都話未有着落、未拍拖,依家佢自己都認咗,即係認定咗個男仔先肯公開,係好事,最緊要佢哋開心。」