48歲吳奇隆做爸爸！劉詩詩誕豬仔母子平安

現年48歲台灣藝人吳奇隆同32歲嘅劉詩詩因合作劇集《步步驚心》而拍拖，2015年佢哋仲結埋婚，一直都話想要BB嘅佢哋，上年終於有喜訊，吳媽媽仲爆料話新抱佗緊男B，佢哋一家人心情興奮之餘好緊張，劉詩詩罕有露面留喺屋企安心養胎，今日傳出好消息，據知日前劉詩詩已經順利誕下「豬仔」母子平安，真係恭喜晒！

佢哋喺朝早透過社交網宣布喜訊，吳奇隆表示：「小朋友來報到，母子平安，謝謝大家關心！親愛的媽咪辛苦啦，謝謝妳。」而劉詩詩亦表示：「小朋友超級可愛的。」

而吳奇隆昔日小虎對成員、好友陳志朋亦有在微博發文祝賀，表示帥氣的吳奇隆和美麗的吳太都辛苦了，兒子是有福氣的孩子，而同為金牛座的他就笑言說：「俺們都會超疼你，話說怎麼不多忍一下，跟俺一起過生日，多熱鬧呀！」而二人好友舒淇、胡歌及袁弘等亦送上祝福。