宣傳法版《城市獵人》　北条司個樣似足孟波

「有孟波，冇囉唆！」由日本漫畫家北条司創作的漫畫《城市獵人》（City Hunter），絕對係唔少港人的集體回憶！當年為孟波配音的張炳強絕對功不可沒！

City Hunter唔單止在亞洲好紅，原來連歐美都有好多孟波的粉絲！City Hunter在歐洲改名為Nicky Larson，而去年有法國電影公司開拍真人版《城》，並找來法國型男影帝Philippe Lacheau飾演法國版孟波，而孟波的歡喜冤家惠香則由法國女星Élodie Fontan飾演。影片將於今年上映。自編自導自演的Philippe為《城》花了不少時間籌備，更把共144集動畫以及37本漫畫書看到「滾瓜爛熟」！而最近《城》的日本原創漫畫家北条司更飛抵法國協助宣傳，近年甚少露面的北条司雖然已60歲，但仍然有型有款，望落仲有幾分似孟波！原來佢先係真正嘅「城市獵人」！