東方日報C1:麥明詩被富三代力追買Bra迎戀情

2019年05月05日 03:38
東網電視
更多新聞短片
撐枱腳密密約會!

「十優港姐」麥明詩(Louisa)與林作甩拖後感情未有着落,但最近破「Dry」有望,本報接獲讀者爆料,指她與已故「鋼鐵大王」龐鼎元的孫兒、富三代龐榮怡(Alex)過從甚密,日前更一齊撐枱腳!難怪女方日前特地揀選性感喱士Bra,實行「內外兼備」迎接新戀情。

現年27歲的Louisa於2015年參選港姐入行,即被踢爆與律師出身的林作相戀,但最終分手收場。甩拖後,她雖曾與余德丞、單車教練胡健燊等傳緋聞,但全部都是冇米粥。單身多時的她早前直認有追求者,更指被家人催拍拖,希望30多歲出嫁。

識於微時有好感

守「Dry」多時的她有望脫單!日前有讀者報料指她與家族顯赫的富三代Alex不時會面及撐枱腳,據知她與男方識於微時,於英國讀書時已有來往,還經常與大班朋友外出聚會。當年Alex對她已有好感,最近為了打動伊人芳心,發動不少攻勢力追,頻頻相約外出,難怪一向言論大膽的Louisa最近表現風騷大解放,日前買定性感內衣,由內靚到外迎接新戀情。

當日下午約五時,Louisa獨自駕車前往尖沙咀,穿米黃色長裙及黑色外套的她落車後,換上粉紅色外套,再於車尾拿走一條牛仔褲,之後急急腳前往附近商場一間內衣店,見她有「目的」揀選性感又誘惑的黑色喱士Bra,左揀右揀再向店員拿小冊子細閱,才揀了數個心水靚Bra往試身室,出來時她換了牛仔褲,還拿着大堆心頭好往付款。往取車時,她不停撳電話,未知是否與Alex電話傳情,然後匆匆驅車離開,看來佳人有約。

「唔想影響到人」

對於與富三代Alex撐枱腳,Louisa受訪時表示:「當日有成大班朋友一齊食飯㗎!」問到男方是否力追?她即「護仔心切」,只說:「大家係英國讀書時嘅朋友,一班朋友會一齊玩,其他嘢唔評論喇,唔想影響到人。」

更多新聞,請瀏覽東方日報網頁:
https://orientaldaily.on.cc/