【有洋蔥】泳兒中風母出院　見證愛兒結婚

歌手泳兒（Vincy）細佬尋日結婚，榮升大姑奶故之然開心，但令佢更感恩嘅係可以一家人見證呢個大日子！因為泳兒媽媽早年中風入院，身體一直未有大改善，需要長期住院，而且仍未算甦醒，不過喺療養院協助下，可以坐輪椅暫時出院！

泳兒留言：「感恩可以一家人見證細佬的大日子。新人致詞時腦海浮現出佢由有一個小豆丁到依家成家立室娶老婆，再看看台下的父母，感動的眼淚不禁流下。媽咪能夠出席婚禮我們已經覺得好幸福。感激療養院和護士們的安排和協助。今日最辛苦應該係我老竇。雖然佢係一個緊張大師但他的毅力和對媽咪無微不至的照顧真係好偉大。多謝上天讓我們跨過重重難關行到今天❤」

佢喺Instagram上載全家福，細佬同老婆又向媽媽敬酒，畫面令人動容。不少網民都大呼好感動，祝福Auntie早日康復、一家幸福快樂！