分享日本生活　姜麗文去廁所唔畀得人知

藝人姜麗文下午到天水圍，出席推廣日本旅遊活動。曾於日本NHK當主持、及於東京生活兩年多的她，難免勾起不少回憶：「啱啱到日本嘅時候，自己日文麻麻哋，所以逼自己去學，即使沖涼都帶埋字典，當小說咁追，又同朋友講暫時唔可以交換電話住，但3個月內可以同大家傾偈、6個月會識得睇新聞嘞！」

簽證問題未能圓夢

談到於當地當主持，她笑指似足軍訓：「同朋友去街唔可以畀人見到我去洗手間，做任何嘢唔可以破壞形象，不過咁樣有咁樣好，唔係點培養出好似木村拓哉咁嘅巨星呢。」不過由於簽證問題，姜麗文最終未能於日本圓歌手夢：「返到香港，我第一時間去坐茶餐廳，感覺好自由。」

而下月她將推出新歌：「有兩年冇出過歌嘞，不過幾日前有同屋企人講，話不如一齊去個旅行先，記得以前成家出埠，都係陪爸爸去拍戲多。」