夾時間造人!鄧健泓生B睇孫耀威頭

2019年05月06日 13:14
東網電視
更多新聞短片
唔知鄧健泓(右)定孫耀威會率先造人成功呢?

歌手孫耀威(Eric)、鄧健泓(Patrick)和張紋嘉(Crystal)今日現身電台,擔任由DJ葉文輝(啤梨)及思敏主持之全新節目的頭炮嘉賓,因啤梨由夜晚時段轉為早上時段的主持,所以三人送上香檳、調情香薰及滴雞精,希望啤梨能造人成功。問到三人是否夾定送甚麼禮物?Eric笑言:「大家有講到佢嘅情況,所以都聯想到,佢做開夜晚節目,返到屋企都軟晒。」啤梨更正道:「係手軟腳軟啫!不過我做慣夜晚節目,所以夜晚好有力。我覺得夾時間好重要,以前真係夾唔到時間,同太太食飯都係一星期食到一次,依家終於可以過啲正常結婚生活。」Eric開玩笑叫對方飲酒飲到剛好亂性就要停止,並說:「如果有效就同我講。」

Timing最重要

而Patrick稱這招在他身上沒用,因太太石詠莉(Sukie)飲少許酒便會暈。眾人即問Patrick是否已造人成功?他否認:「我哋之前只係去睇BB車啫!我哋唔急,隨遇而安,有Keep住製造嘅過程。」之後他就拋波給身邊的啤梨及Eric:「如果Eric有,我就跟住,佢係我偶像。」Eric笑問對方今晚是否要一齊夾時間進行,之後正經說:「我都希望大家快啲成功,其實Timing係最重要,我成日飛,所以好難配合到。」

用菜刀切蛋糕

另外,今日是Patrick的45歲正日生日,眾人買了蛋糕跟他慶祝。而昨晚太太Sukie送了蛋糕給他,但搞笑地用菜刀切蛋糕,Patrick笑謂:「我有問佢知唔知攞住咁大把刀好得人驚,佢話因為個蛋糕好大,膠刀切唔到,佢有時都係幾傻。(今晚點慶祝?)佢會同我去餐廳食飯,雖然佢冇講係邊間餐廳,但我已經知,因為餐廳Send咗個菜單畀我睇,但我喺太太面前都係扮唔知。(生日願望係造人成功?)唔係。」

張紋嘉自嘲似大媽

其後Patrick連未結婚的Crystal都不放過,問對方何時生兒育女?Crystal自言還是細路女,之後自爆最近正秘密學習鋼管舞:「我唔敢放相上社交網,因為覺得自己好似大媽咁,我怕毀咗我哋HotCha嘅跳舞形象,我似消防員咁,做唔到好靚嘅動作。」

----------------------------
東網巨星開咗ig喇,大家快啲follow啦!
https://bit.ly/2JjSVcr