丁蟹效應又嚟？「蟹仔」陶大宇有話兒...

由於中美貿易戰影響，港股大跌，加上撞正鄭少秋（秋官）又有新劇播出，大家即刻聯想「丁蟹效應」！

一向有留意股巿的藝人陶大宇，跟秋官合演ViuTV新劇《詭探前傳》，他得聞網民指「丁蟹效應」令到股巿大跌一事，作為「蟹仔」的他認為這次跌巿不能入秋官數！他回覆東網時笑言：「如果真係關秋官事，咁就發達喇，我老虎蟹都買跌啦！真係充滿娛樂性！老實講，今次又唔可以賴丁蟹（秋官），大家如果有留意，都知係特朗普突然宣布對中國貨品加徵關稅，咁啱我哋個劇播緊啫，同『丁蟹效應』唔多關事，以上說法，只可以話係能穿鑿附會啫！不過，我同老竇開工時，佢都有講笑話，阿仔，如果我（秋官）次次出嚟個巿都跌，我就唔使拍戲、唱歌啦！」

至於另一「蟹仔」邵仲衡則表示：「老竇嘅力量不容忽視，跌吓添喇！（有冇聽秋官講趁低入貨？）志不在股，我心繋磚頭（買樓）！」