同居疑雲！余思霆認戀朱敏瀚：好感恩

2017年華姐冠軍余思霆（Stitch）去年六月與拍拖三年的男子組合「天堂鳥」成員Tyrese分手，之後有傳戀上曾拍攝《特技人》、《是咁的，法官閣下》的無綫藝人朱敏瀚（Brian），其實兩人戀情早在上年11月已有迹可尋，當時Stitch被發現與朱敏瀚在沙田「揩」手，兩人因合作無綫劇《好日子》時撻着，但當時女方回應東網表示只是朋友關係，但打得火熱的兩人，愛火始終包不住。

直至近日，兩人結伴到日本旅行，同行還有朱敏瀚媽媽，回港後，女方更返回朱敏瀚寓所，令戀情曝光！兩人接受東網訪問，亦雙雙承認戀情，余思霆更直指感恩有Brian的出現：「多謝大家關心！Brian係一個好好嘅男仔，好感恩有Brian嘅出現，希望大家往後一同努力，一同成長。」談到兩人去完日本旅行，余思霆即跟男友返屋企，惹來同居傳聞，余思霆則表示：「那天只叫了一架車，所以先到沙田，再送我回將軍澳。」

至於朱敏瀚則大讚女友係好女仔：「多謝大家關心！了解完一段時間，Stitch係一個好女仔， 希望大家給予空間，我們事業剛起步，都希望以工作行先 ，大家一齊努力！」