忙到冇時間休息　王君馨暫時唔「造人」

藝人王君馨（Grace）以性感運動裝打扮出席瑜伽活動。近期忙於拍攝無綫新劇《唐人街》的她直言嚴重缺乏休息時間，即使因劇情需要操弗體能亦被迫放棄：「本嚟要做gym同打功夫都冇時間，惟有借用老公嘅健身奶粉同營養食物去頂住先，好彩拍到月尾就煞科，到時會同老公去非洲傳道，我哋教會雖然人唔多，但已經幫到10個唔同嘅慈善機構！」

由於日忙夜忙，Grace指現階段絕對不是懷孕的好時機，兩夫妻暫時繼續享受二人世界：「我哋keep住每年度一次蜜月，依家諗住年尾去歐洲，唔好講咁多住，因為想到時畀啲驚喜佢。」

談到昨晚《鐵探》播出她被變態強姦犯意圖強姦的戲份，Grace表示：「算係全劇拍得最辛苦嗰場戲，人造大雨中凝造悲慘氣氛，拍足8至10個鐘，我望唔到眼前嘅鋅Sir（袁偉豪），不過成場戲排得好好先正式拍攝。（老公冇呷醋？）呢套佢冇睇，平時佢都係陪我睇咋，但今次我自己都因拍劇冇時間追，不過相信佢明白係拍戲嘅。」