謎底揭盅!湯洛雯執心穎二攤重拍《法證IV》

2019年05月07日 18:15
東網電視
更多新聞短片
湯洛雯執心穎二攤!

藝人湯洛雯今日落實頂替黃心穎於《法證先鋒IV》的角色,她更今日專程返公司見監製梅小青及試戲服,而梅小青受訪時坦言當此角色為生日禮物般送給對方,她謂:「不過我要佢應承我一樣嘢,就係要喺6月1號開工之前減10磅,佢都好願意。」另外,有指心穎於5月有工作到巴塞隆拿,但因偷食事件搞到全面停工,最後由高海寧、李佳芯頂上。

湯洛雯受訪時坦言不介意被指執二攤,更大方謂:「唔怕,公司畀機會自己乜都會做,有好嘅角色演已經係好事,自己唔會Concern呢啲嘢!」問到最大壓力是否要於六月前速減十磅?她笑言:「冇壓力喎!我磅數都成日上上落落咁,時肥時瘦,要減肥都OK嘅,依家諗住幾管齊下,飲食、運動、按摩一齊嚟,第時我可能可以出減肥書添呀!」湯洛雯表示現時最急的是要揣摩角色,她謂:「因為我都係啱啱先知,所以要睇番以前啲法證劇然後再做功課。」她又指劇中與黃浩然最多戲份,更是第一次與他合作呢!