谜底揭盅！汤洛雯执心颖二摊重拍《法证IV》

艺人汤洛雯今日落实顶替黄心颖于《法证先锋IV》的角色，她更今日专程返公司见监制梅小青及试戏服，而梅小青受访时坦言当此角色为生日礼物般送给对方，她谓：“不过我要佢应承我一样嘢，就系要喺6月1号开工之前减10磅，佢都好愿意。”另外，有指心颖于5月有工作到巴塞隆拿，但因偷食事件搞到全面停工，最后由高海宁、李佳芯顶上。

汤洛雯受访时坦言不介意被指执二摊，更大方谓：“唔怕，公司畀机会自己乜都会做，有好嘅角色演已经系好事，自己唔会Concern呢啲嘢！”问到最大压力是否要于六月前速减十磅？她笑言：“冇压力喎！我磅数都成日上上落落咁，时肥时瘦，要减肥都OK嘅，依家谂住几管齐下，饮食、运动、按摩一齐嚟，第时我可能可以出减肥书添呀！”汤洛雯表示现时最急的是要揣摩角色，她谓：“因为我都系啱啱先知，所以要睇番以前啲法证剧然后再做功课。”她又指剧中与黄浩然最多戏份，更是第一次与他合作呢！