又佗仔?杏兒買定B仔衫:大家估吓

20190508
東網電視
更多新聞短片
杏兒買BB仔衫原來係因為送畀工人姐姐。
懷有7個月身孕的胡杏兒與名模蔣怡現身超市出席慈善活動。重了廿磅的杏兒,臉和腳也有水腫,肚子亦很大,已有歲半仔仔的她,問到此胎是否佗女?她說:「想大家估吓,生完話你聽,之前話我買男仔衫,其實我買畀工人姐姐,佢預產期同我一樣都係7月。(依家幫你個工人姐姐?)唔係,佢返咗去,真係好神奇。」
仔仔未知自己做哥哥
提到之前有女友人送贈BB女衫給她,暗示生女?杏兒說:「唔係女仔衫,女友送嘅黃色衫都好中性,男仔女仔黃色都可以。」她提到BB性別只有屋企人知,連兒子也未知,她笑說:「佢唔知自己做哥哥,佢會攬、會錫我個肚,但唔知入面有個人,會覺得個肚好得意,會摸吓錫吓,好奇怪我咁大個肚。(教定佢準備做哥哥?)等BB出咗嚟先教。」
6月停工待產
她說之前做過測試,在兒子面前抱鍾嘉欣的BB,發覺兒子在呷醋:「佢呆咗,但冇大喊,佢會覺得點解Daddy抱住另一個,未解釋佢聽,佢唔明,好難解釋個肚。」杏兒又笑說覺得做老二好慘,全部用品都執二攤。
第一胎採自然分娩的她,今胎亦會試自己生,但早排她重看分娩Video時,開始有點恐懼。預計六月才全面停工待產,講笑說:「都要乖乖哋,萬一有事,喺超市生就好大劑。」母親節應該會出街食飯慶祝,免得辛苦奶奶,