鄭紹康生日　鄭俊弘何雁詩黐實到賀

著名公關鄭紹康尋晚舉行生日派對，人緣甚廣嘅佢，邀請多位好友出席，當中包括：徐濠縈、溥儀眼鏡老闆邱子傑同太太邱李茂琪、「Ball后」薛芷倫及藝人李施嬅等，而當中歌手鄭俊弘同女友何雁詩仲拍住拖兼着住情侶裝出席，十分恩愛！

而生日Party以粉紅色做主題，鄭紹康話概念來自已故歌手陳百強嘅歌曲《粉紅色的一生》，而身為壽星仔嘅佢仲滿場飛，並一口氣切咗五個蛋糕，他說：「今年生日願望祝願大家健康平安快樂，並多謝各方好友和客戶多年來嘅支持！」