晒Fit爆旗袍！锺嘉欣畀老公揽腰摸Pat Pat

艺人锺嘉欣偕老公出席晚宴，嘉欣穿起旗袍，身材Fit爆，两人手拖手进场，合照时老公又揽腰又摸嘉欣Pat Pat打圈，认真恩爱！嘉欣说婚后第一次留港这么长时间，她笑言晚宴上有很多隐世英雄：“第一次同老公嚟，因为我需要一个伴，老公就陪我。”她说自从选美后，相隔15年都冇着过旗袍，问老公有没有大赞？她说：“唔知自己可唔可Carry到，不过系佢帮我拣，觉得呢套好似好有贵气，我就帮佢拣番套西装，大家都系同花纹嘅。”

她透露会留港过埋母亲节，每年母亲节也没有甚么特别，都会吃饭庆祝：“我个女日日都会画卡畀我，我日日都收卡，今年个仔第一年陪我过母亲节，佢应该会送个湿吻畀我，已经开始学爬，又锺意咬拖鞋，好可爱。（生第三个？）唔会啦！我想好好照顾两个小朋友，地球生活唔易，好多挑战，希望我教到佢哋有‘武器’，凭武器能够喺世界生存到，如果多一个嘅话，冇时间再教多个。”