睇中2億豪宅!諸葛紫岐搬大屋進駐半山

2019年05月09日 00:01
東網電視
更多新聞短片
好溫馨呢!

名媛諸葛紫岐(Marie)與Neway太子爺薛嘉麟結婚七年,為老公誕下現年5歲的長子薛華韜(Arthur)後,一直希望再為薛家開枝散葉,上月終如願以償,突然宣布已於加拿大誕下細仔Andersen!她透露因吸取上一胎的經驗,避免於過大壓力下生BB,才刻意保密不張揚,產後才公告喜訊。

睇中四千呎特色戶

最近已回港坐月的Marie忙於照顧兒子外,原來亦四處物色新居!有人目睹她與老公在經紀陪同下,連日前往港島半山區睇樓,更全部選擇約四千呎的相連單位。地產界消息指她已睇中一個位於西半山、坐擁無敵海景的頂樓四千呎Penthouse,此相連單位特色戶開價高達約2億港元!看來育有兩子的Marie似乎想換大屋,讓他們有更多的活動空間。

Marie前日又出動,但今次並非睇樓,而是與老公拍拖帶細仔Andersen前往診所檢查。當日大約中午12時,一家三口由司機接載下到達中環,夫婦冒雨下車,薛嘉麟抱着Andersen匆匆步入大廈,戴黑超的Marie則緊隨其後,同行還有一名家傭。一行人於診所逗留約一小時才離開,並到附近的店舖買蛋糕,對兒子照顧有加的Marie不時為囝囝整理衣衫及帽子,只見樣子標緻的Andersen全程乖乖睡覺未有扭計。

老公爭住抱B

期間,兩夫婦爭住抱BB,當Marie想從老公手上接過兒子時,薛嘉麟卻一臉不願未有放手,她見狀亦忍不住甜甜笑。全程「子」不離手的薛嘉麟,及後與老婆到商場外等車,發現記者時亦表現友善,揮手打招呼,一家三口隨後匆匆上車離開。對於有傳購入2億豪宅,Marie接受訪問時不欲多談,只說:「係有睇樓,但買咗邊度就唔好講喇!」