IG洩蜜！歐陽妮妮被爆戀上大7歲張書豪

現年23歲的台灣女星歐陽妮妮被爆戀情，對象係大佢7年嘅張書豪！兩人被指拍劇日久生情，擦出愛火，正值熱戀當中！4月時，妮妮喺Instagram自爆去咗峇里島旅行，仲瘋狂上載比堅尼照，十足十男友視角！同一段時期，張書豪又晒出海灘旁食飯、飲紅酒照片，更留言：「不想回……」更入住高級酒店！

而張書豪對於戀情未有否認，佢喺社交網發文回應：「沒有愛情的日子，對每一個遇到的人，聊得來的朋友，相處融洽的朋友，都會抱持著（着）開放、珍惜關係的心態去感受跟相處」疑似承認戀情。

現年30歲嘅張書豪入行12年，曾演過多部戲劇，直到2018年靠電影《比悲傷更悲傷的故事》中「牙醫」一角爆紅，知名度大增。不過，3月時佢透過社交網宣布與圈外女友分手，並給予對方祝福。而佢同歐陽妮妮合作電視劇《腦波小姐》時，二人除了喺拍攝現場經常傾偈外，工作後仲會一齊出動，似乎有傾唔完嘅話題，不時上載合照，更被網民發現擁有「情侶鞋」添！