變番「一家人」？張丹峰畢瀅洪欣微博重新關注

早前張丹峰為了平息偷食風波，宣布經理人畢瀅已經引咎辭職，以為一切風波已平息，但今日又有眼利網友發現張丹峰微博已經重新關注番畢瀅，而畢瀅亦都有關注番張丹峰，網友都話兩人係咪藕斷絲連？不過最爆嘅係洪欣微博都關注番畢瀅同張丹峰，唔通真係做番「一家人」？而畢瀅都有關注番洪欣同洪欣仔仔張鎬濂。東網記者再翻查張鎬濂微博，發現佢都有重新關注阿媽「情敵」畢瀅同後父張丹峰，啲關係真係錯綜複雜，令人摸不着頭腦！