玩失憶!陳嘉寶唔認生過B:我得18歲咋

20190509
東網電視
更多新聞短片
陳嘉寶詐傻扮懵。
藝人陳嘉寶(Anjaylia)出席品牌開幕活動,今年一月榮升媽咪的Anjaylia,早前帶囡囡一家三口去旅行。問到現時湊女有沒有難度?她說:「所有嘢都好Natural ,基本上冇咩特別,反而覺得自己各方面要Balance。無論幾時都要有二人世界,自己女仔獨處,同老公Romantic時間都好重要,咁先有能力應付到家庭。(兩公婆去旅行?)大家幫我問吓公司,可唔可以再畀時間我。」講到有沒有帶同囡囡去探陳凱琳的兒子?29歲的她即詐傻扮懵笑稱自己只有18歲:「我哋見過好多次,嚟緊都會再約下午茶,傾吓扮靚經。(育兒經呢?)其實我哋兩個都冇生過,唔明大家講緊咩,我哋18歲咋嘛,啱啱讀完書,呢啲問題太複雜唔識答,我哋成日都咁樣催眠自己。」
Anjaylia直言現時公司比囡囡難搞:「我覺得依家人生中最難搞係要搞掂公司,之前放假放太耐,變咗時間上好難操控,依家要籌備緊出書,我可以透露少少有可能關於新聞系或者自身方面,仲同出版社商量緊邊個題材會好啲。」