單身過母親節　呂慧儀有仔陪唔寂寞

今日是母親節，育有一子的藝人呂慧儀出席活動時透露今日要在工作中度過，未能跟兒子「蟹籽」慶祝，不過已收到囝囝親手製作的禮物：「佢送咗個花花相架畀我，佢本來想畀驚喜我，但佢又忍唔住自爆話喺學校整咗啲嘢送畀我，啲小朋友真係唔識講大話，佢哋好容易，乜都講晒出嚟。感覺真係好sweet，我哋前前後後都食咗飯慶祝，我都有提佢要同婆婆、嫲嫲講母親節快樂。」提到今年是她單身後首個母親節，她笑言自己從來沒有單身過：「因為蟹籽就係我嘅另一半，所以都係咁sweet，最重要係佢開開心心，健康成長。」

另外，呂慧儀稱最近忙着為兒子安排升小一的面試：「蟹籽有上面試堂，但其實我覺得佢唔上都ok，因為佢本身都好外向，佢有時會過嚟探班，都完全唔怕醜。」