4套泳衣冧老公！楊洛婷撇甩囡囡二人世界

藝人楊洛婷（Rabeea）與Dear Jane主音老公黃天翱（Tim）及女兒Tanya前日出發往峇里旅行，慶祝夫妻倆的生日及母親節。Rabeea換了多套泳衣騷身材，她又與囡囡穿上母女裝泳衣，好有愛。

帶定四套泳衣

Rabeea透露此行難得輕鬆：「我住嘅度假村真係好好，佢哋有個baby club畀小朋友，全日可以幫我照顧囡囡，我朝早八點半放低佢，下晝五點先接佢，佢每個鐘都有活動，例如畫畫、玩吓、游吓水，佢又玩得好開心，我同Tim又有自己嘅私人時間。（今次帶咗幾套泳衣？）四套，不過我哋行程太密，未必有時間着晒。（有冇趁機努力造人？）努力瞓覺多啲，哈哈！」

提到母親節，由於Tanya還小，Tim非常貼心，代女兒送禮物給Rabeea：「佢送咗個spa畀我，又整咗條手鏈送畀我。」她稱會在當地逗留四日，返港後她與Tim會再去其他地方旅行：「Tim今個月放假，所以要把握機會玩。」