火速同居!Gordon@天堂鳥新歡係「朱茵」

20190514
東網電視
更多新聞短片
Gordon屋企一向有養開狗狗。
男子組合BOP天堂鳥成員Gordon(葉灝基)最近有新女登場,兩個月前和「女朋友」一見鍾情,火速登堂入屋、同床共枕,Gordon接受訪問時隆重介紹「新歡」:「佢同黃貫中太太個名同音,但寫法唔同,叫『豬恩』唔係『朱茵』,因為佢豬年出世,遇見佢係我同佢一段姻緣,三個月大,係隻法國鬥牛犬,女仔嚟嘅,超得意,好冧佢,我仲幫佢開埋IG。」
阿媽要狗唔要仔
Gordon表示家中一向都有養狗,只是「豬恩」是他自己擁有的第一隻狗狗:「其實係朋友喺狗場攞咗兩隻狗BB返嚟,問我要唔要一隻,我就揀咗佢,初時阿媽唔畀我養,怕我工作忙,唔得閒理隻狗,點知依家阿媽好錫佢,阿媽有時返大陸玩,都唔會叫埋我去,仲吩咐我記得返屋企餵狗,我完全失寵了。」
咬傷朋友
「豬恩」對Gordon相當癡纏,除一齊睡覺外,連他如廁都要?到實。談及法國鬥牛犬天性較惡,他直認謂:「佢有咬傷過我朋友,亦都有咬我,不過我覺得佢係牙痕,唔係惡意,我有教佢唔好咬人,同埋佢好聰明,已經識畀手、碌地等,我認會縱佢,但唔會縱到佢覺得佢先係我主人嘅。」