點解拍荷里活戲?章子怡1句話得罪亞洲演員

2019年05月14日 07:50
東網電視
更多新聞短片
言者無心,聽者有意!

國際影星章子怡即將出席今屆康城電影節,喺出發前佢就為主演荷里活新戲《哥斯拉II:王者巨獸》(Godzilla:King of the Monsters)於北京做宣傳,同場仲有專誠由美國飛來的女星《怪奇物語》「11妹」Millie Bobby Brown等,近期屢傳再度懷孕的章子怡以貼身裙現身行動否認佗B傳聞,行紅地氈時她被問及為何會接呢部戲時,佢話角色對佢嚟講係好大挑戰同埋好有吸引力,仲話:「因為並不是一個打醬油(茄喱啡)的角色。」呢句說話充滿霸氣,不過就似乎得罪晒一班喺荷里活努力打拚,演緊小角色嘅亞洲演員。章子怡仲講笑話新戲入面嘅怪獸演得比佢哋好,如果怪獸可以參加影展的話,一定會贏晒佢哋。

此外,章子怡於活動後在社交網上載《哥斯拉II》導演Michael Dougherty攰到瞓地的照片,另有自己跪地為粉絲簽海報的一幕。