李宇春成身羽毛 景甜襲康城賴死成焦點

2019年05月16日 05:56
東網電視
更多新聞短片
李宇春(左起)、景甜和水原希子先後現身首映禮紅地氈。

內地歌手李宇春亮相《康城電影節》入圍主競賽單元電影《孤星淚》(Les Miserables)首映禮,她染了一頭紫色短髮赴會,配搭身上插滿了白色羽毛的套裝,真係可幾唱番首《我要高飛》。她曾多次出席這個影展,而每次的服飾都成為話題,高雅而不失先鋒,時髦又有趣。

不過同場又有大陸女星出事,今次就係景甜,佢同樣因賴死紅地氈出醜,近年無啦啦主演兩部荷里活電影《金剛:骷髏島》(Kong:Skull Island)與《悍戰太平洋2:起義時空》(Pacific Rim: Uprising)嘅佢曾被指靠關係打入國際市場,不過連月轉攻拍內地劇,加上年初傳出與乒壇大滿貫球星張繼科分手,鮮有出席海外活動,昨晨驚喜襲康城的她以一襲Deep V谷胸上陣,本身都幾搶鏡,點知一直於紅地氈慢慢行,似乎唔捨得走,更被拍到於1分鐘內被工作人員屢度請她向前行,但她僅碌大眼睛送上無辜樣,未有離開原地,尷尬場面被網友瘋傳!

除了幾位內地女星之外,多位國際名人紅星包括影星安芭赫德(Amber Heard)、「泰國范冰冰」之稱的女星Araya Alberta Hargate、主競賽評審女星艾莉芬寧(Elle Faning)、超模Alessandra Ambrosio以及法國前第一夫人兼歌手布魯妮(Carla Bruni)等都有盛裝現身。其中Alessandra的性感高釵火紅長裙好搶fo!