蔡瀚億開製作公司 冇問前老闆蕭定一意見

20190516
東網電視
更多新聞短片
蔡瀚億自立門戶開設製作公司。
藝人蔡瀚億(BabyJohn)出席電台訪問,他表示覺得自己很幸福,因最近自組了公司,雖然有很多事情不懂,但就有很多朋友幫手,就連公司名字都收到不少朋友意見,他謂:「本來想叫改做『大衛王』,因以前我叫David,但個名又太似做飲食,之後就改名做『小紙製作公司』,因為以前我做好多低下層小子角色,所以就想到呢個名。」
現自立門戶後,可有向前公司老闆蕭定一問下意見?他謂:「喺前公司都合作咗6年,老闆佢畀咗好多意見,佢係我嘅伯樂,但我覺得又唔可以再問佢嘅,脫離咗佢就唔應該咁依賴,當然問佢相信佢都會畀意見。嚟緊佢話開戲都話預我,當然我都會優先考慮。」問到新公司太太可有幫手?他笑言:「唔使,我有經理人,太太做嘅嘢就係同我一齊生活就得嘞!」