隱形富婆？大小姐好帶挈　林淑敏嫌賺唔夠

「大小姐」林淑敏（Mandy）今日出席無綫最新節目《PARK YOHO週末速遞》的造勢活動，笑言受「大小姐」角色帶挈賺了不少外快：「係我嘅榮幸，但唔夠嘅！希望可以再多啲，好多謝公眾、網民咁支持我哋，我哋都好聽從民意，睇完啲Comment我都真係會去改善。」

講到於預告片中與其他眾成員開金口Rap，Mandy表示私下匿埋廁所練習：「登台都係唱歌多，Rap都係當玩。（見『大四喜』Rap得咁成功，想組番個女子組Rap？）唔敢諗，我驚會佗衰家，啲人睇完會嘔！『大四喜』有好多新鮮感，同香港人講佢哋仲係好後生，呢個年紀都仲做到好多嘢，好正能量。」