發夢都見到!林穎彤掛住邊個人?

2019年05月16日 17:42
東網電視
更多新聞短片
林穎彤話掛住一個曖昧過嘅男仔。

星夢歌手林穎彤為首支處女新歌《忽然又想起你》宣傳,她表示新歌是講掛念一個未能在一起的人,而現實中亦有一個令她想念的人:「有段時間同一個男仔曖昧,有半年時間成日同呢個男仔一齊玩,會約出嚟睇戲食飯成日見,但我哋就唔係拍拖嘅。(因為佢有女朋友?)佢同之前嘅女朋友未搞清楚關係,而嗰個女仔同佢家人關係都好好,所以我哋都冇開口話一齊,後來我叫佢唔好再搵我喇。(依家仲有冇見到呢個男仔?)都有見到,佢仲有講番話當時話唔好再見嘅說話令佢好傷心,咁依家我哋最終變番普通朋友。」

林穎彤笑言當時連發夢都有夢到對方,不過錄這首歌時,因要專心在唱歌技巧上,所以並沒有想起任何人,但拍MV時因有喊戲,所以都有將這份感情投射在這首歌內。講到此曲面世,這位男性友人可能會知道她在唱自己?她笑謂:「唔知佢知唔知,我冇同佢講,唔敢講啦。」

----------------------------
東網巨星開咗ig喇,大家快啲follow啦!
https://bit.ly/2JjSVcr