衝口而出！易智遠後悔爆前女友墮胎

無綫「御用肥仔」易智遠近日接受台灣傳媒訪問時，自爆十多年前女朋友曾為他墮胎，現正拍無綫劇集《大醬園》的他，主動相約傳媒到電視城為事件解畫。他承認真有其事，但沒料到報道出來後大家反應這麼大，他說：「之前去台灣宣傳，咁啱嗰時張孝全被爆出已婚同有小朋友嘅新聞，又講開感情事，就有感而發講咗出嚟。我知道自己係講多咗，亦收唔番，其實嗰件事我到依家仍然好唔開心同內疚，所以，奉勸年輕人要做足安全措施。」

對於重提舊事，可覺不尊重前女友？他表示與對方感情OK，而且感情是兩個人事，只是沒想到報道會用這個做標題，亦自責受訪經驗淺之故。他稱現在女方已有家庭，過去都有聯絡，但就沒有特登為這件事而傾談。他稱當時只是想分享自己的經歷，是衝口而出，所以都很後悔。

可怕被人覺得博宣傳？他說：「係真係唔應該講出嚟嘅。」講到訪問中自稱有過內衣模特兒、藝人及明星級靚女等的女朋友？他稱「女事主」是圈外人，亦已有家室。