植入性胎盤係咩嚟?曾開刀生產增出現機會

2019年05月17日 00:00
東網電視
更多新聞短片
林子聰(左)太太產檢時發現有「植入性胎盤」,婦產科醫生余啟文就話開過刀會增加出現機會!

藝人林子聰太太產檢時發現有「植入性胎盤」,最後更早產誕下二女,過程非常驚險。婦產科醫生余啟文表示,一般孕婦有植入性胎盤機會率不高,若第一胎是剖腹生產才會增加機會:「因為開刀有疤痕,令纖維組織增加,子宮肌層變薄。而植入性胎盤簡單嚟講係胎盤食得太深,去到子宮肌肉層,所以如果開過刀會增加呢個機會,但都係講緊千分之一,如果第一次懷孕就有,就係幾千分、甚至係萬分之一。」

他指會建議有植入性胎盤的孕婦剖腹生產:「孕婦大約喺20周就可以Check到,但有啲係臨生先知。因為生產過程隨時會大量出血,如果止唔到血,就有可能要切除子宮。但留意番,人嘅血量係有11包血,所以如果流晒再輸番落去,就等於換血一樣。」又續說若有植入性胎盤的孕婦,BB亦可足月出世,但若不幸早產,要注意BB肺、腸及腦部發育:「到時要BB瞓氧氣箱,可能要靠呼吸機呼吸,同埋喺血液入面輸入營養。」