四孩之父陳浩民 贈舊衣祝福林子聰囡囡

2019年05月17日 00:00
東網電視
更多新聞短片
陳浩民送贈子女舊衫畀老友林子聰囡囡着。

林子聰的老友陳浩民昨日回應東網時,坦言當初得聞事件時很震驚,所有可能幫到的事都有試,如有傳初生BB着舊衫可身體健康,他即把自家小朋友舊衫帶去醫院,希望給阿聰囡囡着。如今對方妻女大步檻過,陳浩民說:「佢媽咪為個囡大犧牲,我同阿聰講,幫我𥄫實佢囡囡,如果日後唔錫媽媽就會教訓佢。佢老婆真係愛海滔滔,功德無量,我都有首歌叫《愛海滔滔》,正好唱畀佢一對子女聽!(母愛偉大?)世上只有媽媽好,我哋做爸爸要努力工作,令太太、子女有好嘅生活,阿聰,加油!」

而最近曾與林子聰合作的無綫「咪神」張秀文,表示只知對方家庭多了一個小朋友,當得知其妻生BB「命懸一線」亦表驚訝,她說:「都有個朋友係咁,要住1個月深切治療部,幸好最後母子平安,今次第二次聽到類似情況,好驚險呀!做媽媽真係好偉大,我會聯絡導演(肥仔聰)關心吓佢情況。」