【驚爆再婚】53歲鞏俐嫁70歲法國音樂大師

內地女星鞏俐出席今屆康城影展時，與法國殿堂級電子音樂大師Jean-Michel Jarre十指緊扣現身，有消息指，佢哋嘅關係已經超越咗男女朋友，正式成為夫婦！

現年53歲嘅鞏俐1996年下嫁於新加坡籍商人黃和祥，可惜最終離婚收場，近年傳出與70歲法國電子樂大師Jean-Michel Jarre撻着，今年三月佢哋出席中法國事訪問期間嘅外交晚宴時，佢哋手拖手現身加上鞏俐無名指戴上鑽戒，就傳出佢哋再婚嘅消息。嚟到今屆康城影展，有內地官媒用「人妻」嘅身份嚟稱呼鞏俐，有網民喺微博糾正錯處指佢哋未宣布結婚時，內地官媒解釋消息係得到知情人士確認，證實Jean-Michel Jarre嘅身份係鞏俐嘅「丈夫」，落實二人再婚消息！

Jean-Michel Jarre曾有三段婚姻，除了第一任老婆Flore Guillard，另外兩次都娶影圈當紅女星，包括柏林影后夏綠蒂藍萍（Charlotte Rampling）以及《墮落花》（Nikita）女星Anne Parillaud。