【惊爆再婚】53岁巩俐嫁70岁法国音乐大师

内地女星巩俐出席今届康城影展时，与法国殿堂级电子音乐大师Jean-Michel Jarre十指紧扣现身，有消息指，佢哋嘅关系已经超越咗男女朋友，正式成为夫妇！

现年53岁嘅巩俐1996年下嫁于新加坡籍商人黄和祥，可惜最终离婚收场，近年传出与70岁法国电子乐大师Jean-Michel Jarre挞着，今年三月佢哋出席中法国事访问期间嘅外交晚宴时，佢哋手拖手现身加上巩俐无名指戴上钻戒，就传出佢哋再婚嘅消息。嚟到今届康城影展，有内地官媒用“人妻”嘅身份嚟称呼巩俐，有网民喺微博纠正错处指佢哋未宣布结婚时，内地官媒解释消息系得到知情人士确认，证实Jean-Michel Jarre嘅身份系巩俐嘅“丈夫”，落实二人再婚消息！

Jean-Michel Jarre曾有三段婚姻，除了第一任老婆Flore Guillard，另外两次都娶影圈当红女星，包括柏林影后夏绿蒂蓝萍（Charlotte Rampling）以及《堕落花》（Nikita）女星Anne Parillaud。