超豪蜜月!湛琪清馬爾代夫上天下海晒水着

2019年05月17日 02:22
東網電視
更多新聞短片
好正呀!

模特兒湛琪清(Jessica)早前與丈夫金承威(Kenneth)到馬爾代夫度蜜月,Jessica笑言原本計劃輕鬆度假,但老公精心安排了許多水上活動,例如潛水、浮潛、水上滑翔傘等,兩人度過了浪漫又令人難忘的蜜月,Jessica大讚老公抵錫!

Jessica表示今次花費不菲,因為兩人入住了價錢高昂的Water Villa:「屋外就係海,一起身就可以跳入水中游水。我都係第一次住,雖然價錢唔平,但老公話唔緊要,因為係度蜜月,唔介意花多少少錢。我哋又租船出海,見到好多海洋生物,好似大海龜、鯊魚bb、海豚等等,真係好值得。」雖然兩人每天都從事大量水上活動,不過,依然增磅而回:「因為我哋每餐都食得好飽,我怕着泳衣唔好睇,所以到旅行中段,我哋決定唔好食咁多,不過見到有特別主題嘅自助餐,又忍唔住去試,所以就肥咗又黑咗咁返嚟。」

Kenneth在今次行程中化身攝影師,為太太操刀拍攝不少靚相,Jessica笑言:「大家唔知佢影相好叻,所以見到啲相都好驚訝,我覺得有個識影相嘅老公都好好。」問到兩人有否積極造人?她坦言:「冇諗住咁快有BB,因為想過咗二人世界先。(習慣做金太未?)第一個月真係唔係好慣,尤其要叫老爺奶奶。我哋嘅新居裝修緊,依家喺老爺奶奶屋企住,佢哋好好,當正我係佢個女,大家相處得好開心,我好好彩。」