石詠莉鄧健泓錫錫放閃　第三者亂入眼超超

藝人石詠莉同老公鄧健泓近日飛到法國進行拍攝工作，嚟到呢個咁浪漫嘅地方，情到濃時梗係要錫番兩啖，兼舉機自拍掟上網晒恩愛放閃啦！但點知，石詠莉話佢哋之間竟然出現咗個「第三者」，仲笑言話對方係亂入，令到成張相好笑，她說：「hahahahahahahahahaha，亂入？！法國拍攝Day4，做咩偷望我哋，我想Key走佢，但又覺得佢亂入得好好笑。」唔少網友都話可能佢哋太恩愛，搞到連途人都忍唔住要問多幾望，亦有粉絲幫佢哋P走個途人，即刻成件事浪漫晒！