有韓星追求 周美欣嫌嘥時間密謀轉行

2019年05月17日 07:10
東網電視
更多新聞短片
Lorretta入行十二年,期轉過幾間公司。

前港姐周美欣步入3字頭開竅,希望未來幾年學得一技傍身,即使不做明星,轉行亦能創出「錢」途。單身已久的她自爆曾有韓星追求,又坦言恨生B,35歲就會付諸行動去雪卵。

周美欣(Lorretta)入行12年,星途曲折,曾轉過好幾間公司,令她鬥心盡失,更一度萌生退出娛樂圈的念頭。事隔5年,她再次推出新歌,但坦言似乎已變得麻木:「呢5年過得好快,我喺呢行太耐已經冇咩感覺,唔會特別興奮或者擔心,可能要睇吓出嚟個反應好唔好先。」

三字頭自覺膚淺

Lorretta今年踏入三字頭,她坦言近年轉型成為KOL後,自覺思想變得膚淺,因此講到30歲的目標時,她盼望做到不忘初衷:「唔單單係30歲目標,未來5年目標,我希望無論喺圈內圈外都有一個accomplishment(成就)。真係唔好再嘥時間,我想嘗試娛樂圈以外嘅才能,可能呢句好老土,但我當時選港姐嘅意願係活得有意義。我希望之後所做嘅嘢,能夠真正影響到更多人。」

恨生B諗定雪卵

感情方面依然冇歸宿,不過她自爆曾有韓星追求,可惜自己性格過於慢熱,令戀情無疾而終。她口窒窒說:「印象最深刻係工作上識到一個韓國Artist,佢好Gentleman,之後我哋有透過電話傾偈,又有喺香港見面。不過可能我太怕醜啦,令佢覺得我冇興趣。」

她直認恨生B,不諱言擔心成為高齡產婦,曾考慮雪卵:「如果唔想做高齡產婦,時間上都有少少急。其實好矛盾,我知雪卵對小朋友係好啲,但我又好驚手術過程。如果我35歲仲係單身就雪囉,希望唔會孤獨終老啦!」

服裝:Alice McCall from Étoffe Hk