R&K捱過低潮睇化 成軍7年求變殺出血路

2019年05月17日 07:30
東網電視
更多新聞短片
R&K最早期以YouTuber嘅身份同大家見面。

出道7年的唱作組合Robynn & Kendy(R&K)終迎來第6個「BB」,記載她們的音樂種子成長之旅,同時大爆兩年前曾遇上「樽頸位」停滯不前,自覺發展不如理想,更想過創造「R&K 2.0」望殺出另一條血路!

事隔4年推出全新大碟《curations》的R&K,表示新碟直譯中文是「策展」,像一個展覽記錄着二人的人生日記︰「《負攝石》之後多咗同唔同音樂人合作,透過佢哋得到新嘅音樂養分,發覺有時做音樂將雙手放開,呢個世界原來係更大。」

「樽頸位」迷失

成軍7年,因參加內地歌唱節目《中國好聲音》而一夜爆紅,Robynn坦言期間經歷低潮期︰「一出道就好順,碟出得好快、歌寫得好多、工作好密,嗰陣覺得好辛苦,但到突然間所有嘢都好慢,慢到反問自己『究竟做緊乜呀?』,參加完比賽返到香港覺得大家好似唔記得咗R&K。」惟有自我安慰要學識睇化︰「唔係每樣嘢都係必然,我哋算係早期嘅YouTuber,但嗰時唔識感恩,人哋講得出你Cover過咩歌,其實係件好Sweet嘅事,不過當時只會想人哋知我自己嘅歌,依家就抱住平常心。」

而Kendy則自爆有諗過做「R&K 2.0」︰「有一剎那,覺得點解啲時間過得咁慢,先引發到呢兩年嘅成長。(想放棄?)就係唔想放棄!」續謂7年歷程是新歌《明陣》的倒影︰「入面好似有個迷宮咁好多高高低低,但只要相信繼續行就會有出路,保持一個正面嘅心態好重要,懷着希望去開始新一頁。」

生B唔怕多

提到Robynn年初榮升人妻,怕醜的她笑稱會有新靈感寫歌︰「用番自己經歷去寫,希望會有新火花。」但婚後自爆曾「暗(興)」︰「有時會覺得點解我結婚就要做少奶奶?(繼續做音樂點兼顧家庭?)要急速成長,唔單止係R&K,仲係人哋嘅老婆、新抱,好多角色我都仲摸索緊。(幾時生B?)見步行步,我都好鍾意小朋友,但生幾多個就唔講啦!驚講咗出嚟生多咗,之後最細嗰個問我係咪意外,所以唔好講得咁清楚!」

場地提供: 熱辣壹號@尖沙咀海港城
Makeup: Circle Cheung @ndnco
Hair: Evechiu@muse hair
Outfits: MAGinSHOP