獨遊西藏!田蕊妮「旅伴」現高山反應死咗

2019年05月17日 08:27
東網電視
更多新聞短片
希望盡快冇事啦!

「視后」田蕊妮(阿田)早前透露一個人去西藏玩兩個星期,佢終於都出發咗啦!話晒第一次一個人出遠門,所以阿田全程喺社交網更新近況,見佢已經到咗拉薩,同大家報平安話冇高山反應,但點知同佢同行嘅戰友,即係佢部相機就竟然有事,她留言:「我本人冇任何高山反應,但係部相機有,影咗幾張相之後佢就死咗機喇!」雖然係咁,但仍然冇損佢去玩心情,仲去埋旅遊寫作人薯伯伯(Pazu)開設「風轉咖啡館」歎咖啡兼打卡。

返酒店準備休息時,阿田仲不忘為戰友加油打氣,叫佢要好好休息:「你今晚好好休息吓!希望你嘅高原反應可以好番,我再帶你出去威威!」咁又係呀,話晒旅程先係啱啱開始,戰友你要頂住呀!