人生第一個獎！蔣祖曼孖老公食雪糕慶祝

藝人蔣祖曼（Joman）早前憑無綫劇《鐵探》人氣急升，不過人紅自然是非多，日前佢被影到與同樣已婚嘅玄學家羅雲龍密會，但Joman急忙否認並作出澄清。幸好是非未有纏身，日前更迎來好消息，最近喺網絡紅人舉辦嘅全民投票選舉中，Joman憑劇集《火速救兵IV》入面見習消防隊長一角奪得「民選女配角」，佢表示：「呢個係我人生第一個獎，嗰日開心到同老公去買雪糕慶祝，點知食完就病咗。劇組已經約緊食飯慶功，不過仲有其他獎未宣布，導演相信獎項會陸續有來。」

佢仲話最開心收到好姊妹唐寧嘅恭喜訊息：「當日收到好多人訊息道賀，唐寧話仲開心過自己攞獎，聽到佢話感動到想喊，搞到我都好想喊！」