一口氣廿張生字卡!蘇永康晒囝囝語言能力

20190517
東網電視
更多新聞短片
香港父母唔少得同小朋友嘅Quality time!
歌手蘇永康(阿公)早前孖太太馮翠珊(Anita)飛歐洲工作,雖然拍住拖過,但兩公婆唔見囝囝蘇展弘(Jazz)咁耐,一返香港梗係要爭取機會親子時間啦。今日阿公就喺社交網甫片,係咁考Jazz嘅英語生字,連做老竇嘅佢都大嘆Jazz大個得太快!
直言歐洲回港只得星期六可以休息嘅阿公,佢就話自己近排每日早上九點出門口,不過就算佢再忙,都堅持每日同小朋友共度quality time,得兩小時都要。佢仲話兩歲幾嘅Jazz大得快,學習速度更係快得驚人,今次佢就展示咗囝囝嘅語言能力,拎住印有英文生字嘅學習卡逐張逐張叫Jazz讀,一口氣就玩足20張卡,Jazz就張張都識晒,答嘅時候仲又舉手摸頭、又甜笑,氹得老竇狂讚佢。
阿公又講到見住阿仔一日一日咁進步,係佢生命中最大喜悅添:「一年前我仍希望孩子不要長大得太快,現在看着你每天一點點的進步反而是我們生命中最大的喜悅.我知道終有一天你會起飛....不管世界怎麼變爸媽仍會是你大後盾. We love you son❤️」