自知唔夠靚仔 鄭世豪時間經驗換娛圈成績

20190517
東網電視
更多新聞短片
加油呀細龍生!
「細龍生」鄭世豪今日現身電台宣傳首隻快歌《Copy and Paste》,語帶聲沙的他笑言昨日拍劇扮公仔,聲嘶力竭咆哮近兩個鐘:「知道今日唔使唱歌嗌得分外出力!」續介紹新歌是講述打工仔心聲,亦是他舊時工作的寫照:「每日都做重複嘅嘢,返朝9晚5係會悶啲,之前我做電腦行業都係咁,希望啲人邊聽新歌,邊喺沉悶嘅工作環境搵到樂趣。(依家返工悶?)唔悶,因為係我鍾意做嘅嘢。」
他自嘲入行初期已得悉「能力」不足,需要用更多時間去完成其他人好易就得到的成績:「一早就知自己唔夠靚仔!要時間去儲能力、經驗、成績,做呢行冇得唔樂觀,哈哈!」是次鄭世豪更跳出框框,於MV中嘗試跳舞,創造「世豪Style」一拍一Step:「之前未試過呢個曲風,驚大家睇到我跳舞嚇親,好彩導演剪MV剪得好零碎,剪出到嚟我好似跳得好好咁。(有跳過舞?)有跳過,但之前斷過韌帶,藉住呢首歌再跳番舞,當自己由零開始。」