商天娥金睛火眼揀劇拍　倪秉郎讚好記性

藝人商天娥、陳桂芳及倪秉郎到電台宣傳舞台劇，席間宣布加開一場公演，分日、夜場合共演出4日6場。對於需「連戲」演出，商天娥「唉」了一聲，笑言感到吃力：「場場都有自己，已經開始咗綵排，今次群戲多，唔係話要記長篇大論，而大家你一句我一句咁接最難。」

劇中飾演督察的倪秉郎就大讚商天娥記性好，笑指對方因之前拍戲經常被「飛紙仔」訓練有素，商天娥就憶述當年於深圳拍攝《笑看風雲》時，有編審要求臨時記兩大頁對白：「最後記完但都拍唔到，要返香港補拍，白記！」續指對演出亦大感壓力：「對住啲主角、最佳導演咁勁，自己都勤力啲，返到屋企都會分折劇本，Mark底資料做功課，要拿捏吓個準確性，加上我冇睇過呢個小說作家嘅書，都有早啲搵編劇請教劇本。」

商天娥坦言現時少接拍電視劇，因為都會篩選：「以前拍到金睛火眼，依家好多人都唔識，冇合作過，合作過又走鬼晒！依家要好夠瞓，唔想太頻密，接完一部先再一部。」