偷偷填詞贈祖兒 Kenny難忘對方一句話

2019年05月17日 18:48
東網電視
更多新聞短片
又估你唔到喎!

歌手容祖兒跟關智斌(Kenny)的「斌祖二世古」接近尾聲,在離開北海道之前,他們除了瘋狂買手信,亦都展開咗一段深情對話。兩人之所以成為好友,因為曾一齊拍攝北京中央電視台的劇集。祖兒仲曾講過一句說話令Kenny記足一世:「Kenny你真係好靚仔,不過可惜依家唔興你呢啲樣。」聽番Kenny咁講,祖兒即刻爆笑。

為祖兒填詞感動對方

而Kenny又好記得有一年頒獎禮,明明祖兒呼聲好高拎女歌手獎,但網民話要集氣「噓」佢,頒獎禮當晚宣布祖兒攞獎時,坐在台下面的Kenny好擔心,點知祖兒上台後,真係有人「噓」,祖兒表示當年說話係衝動咗,因為呢件事Kenny就填了一份歌詞《勇氣情歌》鼓勵祖兒,仲即刻播畀祖兒聽,祖兒邊聽邊細味歌詞:「好多謝你呀寫歌畀我。」真係感動到呢。

祖兒表示沒想過Kenny會為她而寫:「我哋都係睇住對方成長、睇住大家經歷過啲乜,呢份友誼真係好難得。我真係好希望演唱會上可以唱到呢首歌。」Kenny將這秘密收埋已久,他說:「因為我個人比較內斂,亦都覺得唔好意思,如果唔係呢個節目,我真係冇諗住講。」Kenny仲話其實他好鍾意填詞,以往每隻碟都會有自己的作品。問到他仲有冇說話想對祖兒講?Kenny表示朋友的事心照,大家很少講出口,如果再有機會他會再寫歌唱給祖兒聽。