學定求生技能！林二汶自爆遇到地震驚到傻

歌手林二汶出席災難體驗館啟動禮，她表示在體驗館獲益良多，覺得大眾平時要預備定兩個救生包，一個是真正用，另一個要放在腦中。問到可試過遇災難？她坦言很幸福：「淨係試過有一次唔記得係台灣定日本feel到一秒地震，當刻真係好驚。（當刻諗到啲咩？）嗰陣又冇，但依家旅行就會帶定啲工具，例如電筒、哨子。」問到可有學過急救？她表示沒有，但有學過手語，但笑言已忘記，之後都想學習更多技能增值自己：「例如裝修、換水喉、鑽牆等，平時有乜都搵阿爸，但阿爸都會有老嘅一日，所以都想學呢啲孝敬番阿爸。」