鄭俊弘6月補拍《法證IV》望幾日搞掂

2019年05月17日 19:26
東網電視
更多新聞短片
最緊要快!靚!正!

歌手鄭俊弘(Fred)到電台宣傳《鐵探》主題曲《鐵石心腸》,雖然劇集已播完,但開心劇集可以在Netflix播,全世界觀眾都可以睇到。他又表示之後會有其他劇集主題曲,但《法證先鋒IV》就會唱插曲,講到6月頭要補拍,他表示未有太多戲份補拍:「應該拍幾日。(你同黃心穎唔太多對手戲?)唔算太多,雖然係一齊住,但屋企戲10場以內,劇組都話希望6月可以拍晒補拍嘅戲份。」但講到頂替黃心穎的湯洛雯仍未減到肥,他笑言:「到時就ok㗎喇,到時冇得瞓自然會瘦。」

問到補拍可有影響原本工作?他表示:「又冇,都係錄音,所以都OK。」講到頭兩輯《法》他都有份演,現時再參與第4輯,他表示很開心:「今次啲角色全部唔同,今次都係做法證部,但就高級啲,但同以往好唔同,因為10幾年法證部啲科技都發達晒,我哋要特登上堂,講啲嘢又更加難背,因為要講埋英文先再講廣東話解釋,所以好專業。(嚟緊補拍唔使呢啲?)好彩都係傾偈吹水戲,嗰啲對白即食,好輕鬆。」他又表示下周會到郵輪上舉行Mini concert:「都係第一次喺郵輪上唱歌,到時會出去公海,瞓一晚就返番嚟。(你會唔會暈船浪?)又唔會嘅,同埋都係大船,所以都唔怕。」