傅穎爆內地工作遇潛規則　險遭鹹豬手

曾與藝人羅仲謙拍拖的藝人傅穎早前接受內地作家陸琪訪問時重提以往情史，講到自己當年曾誤交花心男：「我同個男仔拍咗一年拖，後來先發現對方有一個拍拖五年嘅女朋友，後來分手半年又復合，我發現佢又有另一個。」她稱還因此患了抑鬱症，會無故落淚，更有想死的感覺：「我去跳笨豬跳，對方都未推我落去，我就自己跳咗落去。」另外，她又講到初到內地發展時遇上潛規則，有次在飯局上拒絕飲酒，對方即時怒摔東西，有人以簽約利誘想向她鹹豬手。

東網致電傅穎問她所指的前度是否羅仲謙？她表示：「個訪問係去年錄，我冇指名道姓。（怕唔怕畀人覺得你搞是非？）我沒法控制每個人嘅想法，有人會覺得呢個係一個好正面嘅訪談，有人會挑是非，會歪曲意義同角色設定，全睇個人。」